Quedan a disposición de tod@s os resultados da III Travesía Concello de Arteixo para acceder preme aquí ou no cartel do evento.

Hoxe Romina defendeu ó seu clube en Ourense, no Campionato de España Junior. Alí nadou a proba de 50 Libres, acadando un tempo de 29.37, quedando 3ª da súa serie e ascendendo 6 postos respecto ás listas de saída.

¡¡Noraboa Romina, por este logro e polo conxunto de resultados desta tempada!!

Este sábado ás 12 da mañá, celebramos a nosa III Travesía, 2ª en memoria de Marina Álvarez. Xa contamos con 90 inscritos, entre os que se atopa o nadador internacional, Iván Brión. Sen dúbida será a figura do evento, xa que é o actual Campión de España de Longa Distancia e o plusmarquista galego de 1500 libres.

Alí vos esperamos, seguro que se o tempo e o estado do mar nos acompaña, poderemos disfrutar dunha emocionante proba, que por certo inaugura a tempada do Circuíto Galego de Augas Abertas.

Hoxe empezou o Campionato de España Junior en piscina de 50 m. Nesta ocasión se celebra en terras galegas, na piscina de Rosario Dueñas, en Ourense. A este campionato asiste Romina Cerviño, a primeira nadadora do Club Leyma Natación Arteixo en conseguir unha mínima Junior, e que competirá na proba de 50 Libres. Leva un tempo de saída de 29.0 conseguido no Campionato Galego en piscina de 50 m, e lle desexamos dende aquí que a mellore e que disfrute desta gran ocasión.

Información do Campionato

Onte Fran participou na remuda de 4x100 Libre defendendo á selección galega, fixo unha boa marca, 1.05.0, acadando o 13º posto. Hoxe nadou a súa última proba individual, 100 costas con un tempo de 1.15.0 e repetindo a mesma marca na sesión de tarde na remuda de 4x100 Estilos, colofón do campionato.

Na clasificación final, Galicia quedou clasificada en 5º posto en feminino e 6º en masculino.

¡¡Noraboa Fran por esta gran tempada e polo teu primeiro Campionato de España!!